Flash

कपिलवस्तु – प्राचीन बुद्ध नगरी कपिलवस्तुबाटै निर्वाचित एक सांसदले गौतमबुद्ध भारतमा जन्मिएको प्रचार अभियानमा सहभागिता जनाएका छन् । अन्तर्राष्ट्रिय समुदायमा बुद्ध जन्मस्थलबारे भ्रामक प्रचार गर्दै आइरहेको भारतले अक्टोबर ९ मा सीमावर्ती सिद्धार्थनगर जिल्लाको शोहरतगढमा आयोजित कार्यक्रममा कपिलवस्तु क्षेत्र नम्बर ३ बाट निर्वाचित संघीय सांसद अभिषेकप्रताप शाह विशिष्ट अतिथि बनेका थिए ।भारतको उत्तर प्रदेश सरकारले बुद्ध भारतको सिद्धार्थनगरमा जन्मिएको भन्दै आक्रामक प्रचार गरिरहेका बेला नेपालकै सांसद अझ त्यसमाथि पनि कपिलवस्तुकै सांसद कार्यक्रममा गएर भारतको दाबीलाई ठीक बनाइरहेको देखिन्छ । उत्तर प्रदेश सरकारद्वारा आयोजित कार्यक्रममा मुख्यमन्त्री योगी आदित्यनाथ, भाजपा केन्द्रीय सांसद जगदम्बिका पाल तथा नेपाली कांग्रेसका सांसद अभिषेकप्रताप शाह विशिष्ट अतिथि बनेका थिए ।सांसद शाह आफैले उक्त कार्यक्रममा सहभागी भएको तस्वीरहरु सामाजिक सञ्जालहरुमा पोष्ट गरेका छन् । भारत बुद्धमा जन्मिएको प्रचारमा नेपाली सांसदको सहभागिताप्रति कपिलवस्तुवासी रुष्ट बनेका छन् ।

शाहको विवादित हर्कतप्रति कपिलवस्तुवासीले सामाजिक सञ्जालहरुमा आक्रोश पोखेका छन् । “नेपालकै सांसदले बुद्धको जन्मस्थल भारत हो भनेपछि अरु के नै बाँकी रह्यो ? अझ त्यसमाथि पनि कपिलवस्तुकै सांसद”, स्थानीयवासी जनार्दन पाण्डेले भने ।भारतको उत्तर प्रदेश सरकारले आयोजना गरेको उक्त कार्यक्रममा सहभागी हुनेबारे नेपाल सरकार परराष्ट्र मन्त्रालय तथा संघीय संसदमा कुनै जानकारी वा अनुमति लिएका छैनन् । नेपालको कुनै पनि सांसद, मन्त्री वा उच्च पदस्थ व्यक्ति भारत वा तेस्रो मुलुकले आयोजना गरेको कार्यक्रम, सभा, गोष्ठीमा जाँदा अनिवार्य रुपमा यसबारे जानकारी गराउनु वा अनुमति लिनुपर्ने प्रावधान छ । तर शाहले कुटनितिक मर्यादाको उलङ्घन गर्दै आफुखुशी भारत सरकारद्धारा आयोजित विभिन्न कार्यक्रमहरुमा सहभागी हुँदै आएका छन् ।“नेपालका सांसद हुन्, उनले देशको प्रतिनिधित्व गर्छन् । सीमानामा देश जोडिएको छ भन्दैमा चिनी किन्न गएझैं कार्यक्रममा जान, कुटनीतिक मर्यादासम्म नजान्ने के को सांसद ?” स्थानीय युवा शिव बन्जाडेले आक्रोश पोखे ।यता शाहले आफू सिद्धार्थनगर जिल्लाको तुलसीपुर मन्दिर क्षेत्रमा रहेको स्कुलमा मूर्ति अनावरण कार्यक्रममा सहभागी मात्र भएको बताए । “कसले के प्रचार गरेको छ थाहा छैन, मलाई मुख्यमन्त्रीले निम्तो गर्नुभयो । म गएँ, अरु कुरा थाहा छैन” सांसद शाहले भने ।

Published date : 2018-10-10

About Us

याे समाचारमूलक डिजिटल पत्रिका हाे । यसमा प्रकाशित सामाग्री अनुमित विना कपि नगर्न नगराउनुहुन अनुराे छ । हामी जनमूखि पत्रकारीताका लागि निरन्तर जागा रहने छाैं ।

Our Team

सम्पादकः सलिम अन्सारी

कार्यकारी सम्पादकः अर्जुन विक

Social Media

https://www.facebook.com/Suchanadaily.com.np/

Contact Us

जिल्ला प्यूठान

इमेलः suchanadaily@gmail.com